好喇，同大人決定咗先註冊之後，由於我地並唔打算大搞嘅，咁事情就「好簡單」喇：
1- 註冊日子
上一個 blog 我都有講我係一個非常執著嘅人，於是我單方面決定咗喺 2017年12月17號 註冊
*** 幸好，呢個日子係好日子 + 無同 我地主僕二人 & 四大長老 相沖😆 (99 比較注重擇日)
2- 註冊地點
問題又回歸番呢道🤔
對於 律師樓提供嘅証婚場地，我真係一啲好感都無，總係覺得嗰啲「禮堂」怪怪的；然後 拉斐特 嗰類場雖然好靚好夢幻，但係唔請人就會顯得空蕩蕩。
於是我地就打算去婚姻註冊處度搞結婚手續。全港有六個婚姻登記處 :: 婚姻登記事務及紀錄辦事處 // 大會堂婚姻登記處 // 紅棉路婚姻登記處 // 尖沙咀婚姻登記處 // 沙田婚姻登記處 // 屯門婚姻登記處；
而由於 2017年12月17號 係 星期日 黎，所以只有四間婚姻登記處可以舉行婚禮 :: 大會堂婚姻登記處 // 紅棉路婚姻登記處 // 尖沙咀婚姻登記處 // 沙田婚姻登記處；之後上網搵左 GOOGLE 小姐問完佢拎完參考圖之後 (是的，並無實地考察)，怪獸小姐就決定喺 紅棉路 搞結婚手續，於是就出現下一篇 Part TWO💁🏿♀️
3- 註冊衣著
大人並無添置新衫嘅意思，佢話佢弟有西裝喇喎，所以佢唔洗專登買🤡 但因為我太男仔頭，衣櫃入面無咩裙仔，於是就上偉大嘅淘淘度搵下傳說中嘅輕婚紗，搵咗幾間就出現咗令我叮一聲嘅裙仔。其實我好麻煩，又唔要啲 Lace 太娘 (憑個人感覺) 又要夠長但又唔好過長 (明明個人好短) 然後又唔要紗裙 (因為顯肥) 十萬幾樣條件，而呢間我睇過又真係參考圖同實物圖有 99.9% Match，於是我就膽粗粗問下亲有無怪獸小姐嘅 Size 喇～ 點知亲真係好好，佢問我幾高幾重，搞完一輪，最後叫我買 XL，本來仲擔心佢叫我訂造!!!! 而呢件輕婚紗只係 RMB$267，ANY肥，總算搞掂咗衫呢部分💃🏻
(留意番** 張相呢個唔是怪獸小姐黎架!!!!)
4- 証婚人
呢個部份我地到註冊前一日都未 KO，到最尾註冊個日先解決，點解??🙍🏿♀️
等我下下回分解!!!!
多謝大家黎睇怪獸🔸木頭兩個嘅小故事呀❤️
如果鐘意睇怪獸小姐嘅 BLOG 就留個腳印俾我啦～
沒有留言:
張貼留言