2017.08.21~09.04
當我地以為喺婚姻登記處度搞手續係好容易之際，
上網睇完一輪都係唔知發生緊咩事，
就開始好擔心我地想要嘅 2017年12月17號+紅棉路
會俾人一嘢搶到無晒位😭，
於是怪獸小姐就上網爬完又爬，
爬文爬咗大概兩日左右，先悟出個大概：
1- 先擇好良辰吉日同埋舉辦婚禮嘅地點💁🏿♀
2- 預約遞交擬結婚通知書 (3個半月前)
千祈唔好俾 遞交擬結婚通知書 呢幾個字嚇親先，
其實呢個只係一份 for 妳地結婚嘅文件🤡
I. 先去政府網站 「禁呢度」再喺入面禁「查詢最早預約日期」，揀嗰個日子幾時可能登記預約，基本上係註冊日前 3個半月，嗰陣怪獸小姐真係緊張到日日都上網睇一次幾時可以預約，仲緊張到個日拎定假喺屋企上網預約🙈II. 然後呢，妳地就要「預約」上去交文件。程序就係喺「最早預約日期」個日 朝早 8 點鐘話說呢🌚 預約個日怪獸小姐憫到喊左出黎，個陣我由 7:59 開始 坐喺電腦面前狂禁「預約」同埋狂禁 F8 禁到 8:15 都未入到，就喊住打去俾大人，因為呢個動作好影響之後可唔可以揀到心儀時間；呢隻大人明明前一晚應承左奴婢早啲起身一齊上網預約，點知呢隻嘢訓到 8:10 都仲未起身，到我喊住打俾佢，佢先施施然打去幫手預約。BTW 最後係大人用古老方式去完成呢個任務。✨溫馨提示：我特別建議妳地用入境事務處3102 3883 呢個 24 小時電話系統去預約，但記住拎定筆📝去記低預約籌號同埋時間。III. 然後經過呢一役之後，妳地就得到 預約籌號同埋時間，然後記得上網順手交埋「婚姻登記所需資料」表(表格MR21B)「禁呢度」，我就建議妳地填定會好啲。IV. 再然後，就喺預約嘅時間去相應嘅註冊處「遞交擬結婚通知書」同埋揀行禮時間，所以 STEP III 拎到個靚籌號係非常重要，點解怪獸小姐咁緊張要早啲打到去拎籌嘅原因!!另外，揀行禮時間當日，千祈千祈千祈要早啲出門同埋 搞清楚自己要去邊個辨事處 搞手續同埋準備好 港幣305元交 擬結婚通知書存檔及展示費，如果冇現金都無所謂嘅，因為佢地都有得用 EPS，到妳地個陣，辨事處嘅職員會幫妳地填表(包括自己個名，雙方父母嘅名，地址，工作…)俾妳地 double check，然後再問妳地究竟係唔係第一段婚姻，另外有兩樣嘢係可以選擇性放喺結婚證書上面嘅：父母名字 + 本人職業；然後職員就會請「長官」黎 double check 妳地嘅身分證同埋「見証宣誓」， 辦事處會有個粉紅色嘅膠牌仔借俾妳地，然後妳地就讀裡面嘅內容俾「長官」聽，而內容就係：「本人 (姓名) 謹憑藉宣誓及聲明條例，衷誠作出此項鄭重聲明，並確信其為真確無訛。」呢一部分，就唔需要兩個人每人都做一次嘅😆話說呢🌚 辨事處搞手續個陣，怪獸小姐因為太過粗心大意，以為我地搞手續個辨事處係大會堂，搞完一大輪先知道去錯地方，結果遲大到，好彩當日有個職員好好，知道我地遲到，幫我地插隊，我地先唔洗跟 walkin 人士條隊，如果唔係都唔知可唔可以排到2017年12月17號+紅棉路。所以我喺度要提咁多位一次大會堂婚姻登記處 / 紅棉路婚姻登記處舉行婚禮遞交地點：金鐘道政府合署的婚姻登記事務及紀錄辦事處於尖沙咀、沙田、屯門婚姻登記處舉行婚禮遞交地點：相應婚姻登記處於特許禮拜場所舉行，或由婚姻監禮人主持遞交地點：金鐘道政府合署的婚姻登記事務及紀錄辦事處或尖沙咀、沙田、屯門婚姻登記處當妳搞好手續，職員就會俾番一份以下嘅收據同通知妳：V. 然後婚通知書會喺婚姻登記處，婚姻登記事務及紀錄辦事處公開展示最少 15 日，如期間無人提出反對，妳地就可以喺 3個月內舉行婚禮架喇。
( 因為大人同我都太守規矩，當日喺辨事處一張相都無影到🙈 )
多謝大家黎睇怪獸🔸木頭兩個嘅小故事呀❤
如果鐘意睇怪獸小姐嘅 BLOG 就留個腳印俾我啦～
